नव दृष्टि

मकवानपुर। नेपाल आयल निगमले डिजेल र मट्टीतेलको मूल्य बढाएको छ । निगमले शनिबार मध्यरातबाट लागु हुने गरी डिजेल र मट्टीतेलको मूल्य लिटरको ३ रुपैयाँ बढाएको जनाएको हाे । पेट्रोल र एलपी ग्यासको मूल्य भने यथावत् राखिएको छ । इन्डियन आयल कर्पोरेसनबाट प्राप्त पेट्रोलियम पदार्थको नयाँ खरिद मूल्यअनुसार प्रतिलिटर पेट्रोलमा ०.१२, डिजेलमा ४.६६ र एलपी ग्यासमा प्रतिसिलिन्डर ४५.४९ ले बढेर आएको निगमले जनाएको छ । त्यस्तै हवाई इन्धनमा प्रतिलिटर १०८ रुपैयाँले घटेर आएको छ । डिजेलमा प्रतिलिटर ४.६६ रुपैयाँले बढेर आएको भए पनि आमउपभोक्तको हितलाई मध्यनजर गर्दै निगम सञ्चालक समितिले साबिकको खुद्रा बिक्री मूल्यमा प्रतिलिटर डिजेल मट्टीतेलमा ३ रुपैयाँ मात्र बढाइएको…

मकवानपुर। नेपाली कम्युनिस्ट पार्टीले आगामी संघीय निर्वाचनलाई लक्षित गर्दै मकवानपुर जिल्लामा अगुवा कार्यकर्ता भेला सम्पन्न गरेको छ। साथै पार्टीले प्रत्येक वडामा निर्वाचन सम्पर्क कार्यालय स्थापना गर्ने कार्यक्रमअन्तर्गत बागमती गाउँपालिका वडा नं. ४, ५ र ७ मा निर्वाचन सम्पर्क कार्यालय उद्घाटन गरेको छ। आगामी फागुन २१ गते हुने संघीय निर्वाचनमा मकवानपुर प्रतिनिधि सभा क्षेत्र नं. १ बाट नेपाली कम्युनिस्ट पार्टीका तर्फबाट बकैया गाउँपालिका निवासी विजय गौतम उम्मेदवार रहेका छन्। उक्त अवसरमा उम्मेदवार गौतमले आफू माननीय बन्नका लागि नभई जनताको सेवक बन्न राजनीतिमा आएको स्पष्ट पारे। उनले बागमती गाउँपालिकासहित समग्र क्षेत्रको समृद्धि, विकास र सुशासनका लागि प्रतिबद्ध भएर काम गर्ने प्रतिवद्धता व्यक्त…

मकवानपुर। प्रतिनिधि सभा निर्वाचनअन्तर्गत मकवानपुर क्षेत्र नं. २ बाट प्रगतिशील लोकतान्त्रिक पार्टीका उम्मेदवार सन्तोष बिस्टले उत्पादनमुखी अर्थतन्त्र र सामाजिक न्यायमा आधारित आर्थिक पुनर्संरचनालाई आफ्नो प्रमुख चुनावी एजेन्डा बनाएका छन्। उम्मेदवार बिस्टले देशको वर्तमान आर्थिक चुनौतीको समाधान उत्पादन वृद्धि, न्यायपूर्ण वितरण तथा स्थानीय अर्थतन्त्रको सशक्तीकरणबाट सम्भव हुने विश्वास व्यक्त गरे। उनले प्रगतिशील कर प्रणाली लागू गरी धनी–गरिबबीचको खाडल घटाउने र सामूहिक उत्पादनको प्रवर्द्धनमार्फत गरिबी उन्मूलन गर्ने प्रतिबद्धता जनाए। उनको चुनावी घोषणापत्रअनुसार स्थानीय स्रोत, सीप र श्रमको अधिकतम प्रयोग गर्दै उत्पादनमुखी स्थानीय अर्थतन्त्र निर्माण गरिनेछ। साथै अनुसन्धान, नवप्रवर्तन र डिजिटल अर्थतन्त्रको विस्तारमार्फत युवालाई स्वदेशमै रोजगारी सिर्जना गर्ने योजना अघि सारिएको छ। उम्मेदवार…

मकवानपुर। २८६२ औँ घोडावर्ग सोनाम ल्होछारको अवसरमा हेटौडामा बृहद् सांस्कृतिक कार्यक्रम आयोजना हुने भएको छ। हेटौडा उपमहानगरपालिका–१३ बनस्पती स्थित तासी छोइलिङ गुम्बा परिसरमा २०८२ सालमा आयोजना हुने कार्यक्रमबारे बुधबार आयोजित पत्रकार सम्मेलनमार्फत जानकारी गराइएको हो। कार्यक्रममा तामाङ समुदायको विविध सांस्कृतिक पक्ष झल्काउने झाँकी प्रदर्शन, राष्ट्रिय तथा स्थानीय कलाकारहरूको गायन तथा नृत्य प्रस्तुति रहनेछ। कार्यक्रम संयोजक उद्धव कुमार मोक्तानका अनुसार गायिका पूजा लामा, धिरेन लामा लगायत स्थानीय कलाकारहरूको प्रस्तुति रहनेछ। साथै रैथाने बाली तथा मौलिक परम्परा झल्कने परिकारहरूको प्रदर्शनी स्थल पनि राखिनेछ। तामाङ समुदायको मौलिक भाषा, भेषभूषा, संस्कार र संस्कृतिको संरक्षण तथा प्रवर्द्धन गर्ने उद्देश्यले कार्यक्रम आयोजना गरिएको आयोजकले जनाएको छ।…

मकवानपुर। निर्वाचन आयोगका प्रमुख कार्यवाहक निर्वाचन आयुक्त रामप्रसाद भण्डारीले उम्मेदवारी मनोनयन गर्न जाँदा बाजागाजा लगायत तडकभडक नगर्न चेतावनी दिएका छन् । सञ्चारकर्मीहरूसँग सोमवार आयोगमा कुराकानी गर्दै उनले उम्मेदवारी कायम गर्न जाँदा बाजागाजा लगायतका तडकभडक नगर्न चेतावनी दिएका हुन् । तडकभडकलाई कानूनले पूर्ण रुपमा निषेध गरेको र आचारसंहीताले पनि निषेध गरेकाले त्यस्ता गतिविधिहरू नगर्न सचेत गराए । आचारसंहिता उल्लंघन गर्नेविरुद्ध आयोगले कठोर निर्णय लिने चेतावनी पनि उनले दिए । निष्ठापूर्वक आचारसंहीतालाई परिपालन गर्दै मनोनयन पत्र दाखिल गर्न उनले आग्रह गरे ।‘उम्मेदवारी कायम गर्न जाँदा बाजागाजा लगायतका तडकभडक हुन्छ । यो पूर्ण रुपमा कानुनले निषेध गरेको छ । आचारसंहिताले निषेध गरेको छ,’…

मकवानपुर। रास्वपाबाट राजनीति थालेका काठमाडौं महानगरका मेयर बालेन शाहले पदबाट राजीनामा दिएका छन् । उनले उपमेयर सुनिता डंगोललाई आइतबार राजीनामा बुझाएका हुन् । उनी आगामी निर्वाचनमा रास्वपाबाट प्रधानमन्त्रीका उम्मेदवार हुनेगरी झापा-५ मा निर्वाचन लड्दै छन् ।