२०८२ फाल्गुन १६, शनिबार २१:५०
२०८२ फाल्गुन १६, शनिबार २१:५०
मकवानपुर। अन्तर्राष्ट्रिय बजारमा पेट्रोलियम पदार्थको मूल्यमा वृद्धि भएर आए तापनि नेपाल आयल निगमले उपभोक्तालाई राहत दिने उद्देश्यले पेट्रोलियम पदार्थको मूल्य यथावत् राखेको छ । भारतीय आयल कर्पोरेसनबाट आज प्राप्त नयाँ खरिद मूल्य अनुसार इन्धनको भाउ बढेर आएको थियो । नयाँ सूची अनुसार पेट्रोलमा प्रतिलिटर २.०९, डिजेलमा २.४७ र एलपी ग्यासमा प्रतिसिलिन्डर र१८.५८ रुपैयाँले वृद्धि भएको थियो। साथै, हवाई इन्धनमा पनि प्रतिलिटर ५.९८ ले मूल्य बढेर आएको थियो । निगम सञ्चालक समितिको बैठकले उपभोक्ताको हितलाई मध्यनजर गर्दै निगमलाई हुन सक्ने सम्भावित घाटा सहेर पनि मूल्य वृद्धि नगरेको बताएको छ । साबिककै खुद्रा बिक्री मूल्य कायम राख्ने निर्णय गरेको छ।
