नव दृष्टि

मकवानपुर। हेटौंडा–१० स्थित टिसीएन चौरमा जारी दोस्रो बृहत् खेलकुद, कृषि तथा पर्यटन महोत्सव अन्तर्गत मकवानपुर जिल्लास्तरीय पुरुष भलिबल प्रतियोगिता सुरु भएको छ। आइतबार सम्पन्न नकआउट चरणपछि प्रतियोगिताको क्वाटरफाइनल समीकरण पूरा भएको छ। आइतबारका खेलमा थाहा नगरपालिकाको मंगलेश्वर युवा क्लबले सफल केयर क्लबलाई २५–१४, २५–१३ ले पराजित गर्‍यो भने नव प्रतिभा सांस्कृतिक युवा क्लब बज्रबाराहीले पशुपति युवा क्लबलाई २५–१२, २५–२१ ले हरायो। त्यसैगरी मनहरी गाउँपालिकाले मिलन युवा क्लबलाई २५–१४, २५–१८ ले पराजित गर्‍यो भने छहारी युवा समाजले २५–१७, २५–१४ ले जित हात पार्यो। सोमबार बिहान ११ बजेदेखि क्वाटरफाइनल खेल सुरु हुनेछन्। क्वाटरफाइनलमा मंगलेश्वर युवा क्लब–मिलन युवा क्लब, नव प्रतिभा युवा क्लब–बागमती…

मकवानपुर। खेलकुद क्षेत्रको विकास गर्ने उद्देश्यले हेटौंडा-१० स्थित टिसिएन चौरमा दोस्रो खेलकुद, कृषि तथा पर्यटन महोत्सव सुरु भएको छ। मकवानपुर जिल्ला खेलकुद विकास समितिको आयोजनामा शुक्रबार महोत्सव उद्घाटन गरिएको हो। शुक्रबार आयोजित कार्यक्रममा इन्द्र बहादुर बानिया ले महोत्सवको उद्घाटन गर्दै खेलकुद विकास समितिले जिल्लाको खेल क्षेत्रको विकास गर्ने उद्देश्यका साथ आयोजना गरेको कार्यक्रम सफल हुने विश्वास व्यक्त गरे। उनले खेलकुदलाई व्यापार–व्यवसायसँग मात्र नजोडी यसको मूल उद्देश्यअनुसार गतिविधि सञ्चालन गर्न आग्रह गरे। महोत्सव चैत १४ गतेसम्म सञ्चालन हुनेछ।आयोजक समितिका अध्यक्ष राजकुमार मोक्तान का अनुसार महोत्सवअन्तर्गत ६ विधाका खेलकुद प्रतियोगिता आयोजना गरिनेछ। खेल, व्यापार, कृषि र पर्यटनलाई एउटै थलोमा जोड्ने उद्देश्यले महोत्सव…