प्रदेश

हेटौँडा । बाढीपीडितको उद्धार र राहतलाई प्रभावकारी बनाउन भीमफेदी गाउँपालिकाका अध्यक्ष हिदम लामाले देशभरका ७५३ वटै स्थानीय तहहरूलाई सिधै बाढी प्रभावित पालिकाहरूको विपद् व्यवस्थापन कोषमा सहयोग रकम पठाउन जोडदार अपिल गर्नुभएको छ। "जहाँको दुवाली त्यहीँको चपरी" भन्ने व्यावहारिक सिद्धान्तलाई अंगाल्दै प्रभावित पालिका आफैँले आफ्नो कार्यविधि अनुसार पीडितसम्म तत्काल राहत पुर्‍याउन सक्ने भएकाले सिधै पालिका-देखि-पालिका सहयोगको मोडल अपनाउनुपर्ने उहाँको तर्क छ। ​अध्यक्ष लामाले सामाजिक सञ्जालमार्फत स्टाटस लेख्दै र विभिन्न निकायहरूमा लबिङ गर्दै माथिल्लो तहका कोषहरूमा रकम जम्मा गर्दा प्रक्रियागत ढिलासुस्ती हुन सक्ने भएकाले सिधै प्रभावित पालिकालाई सहयोग गर्दा वास्तविक पीडितले विना झन्झट तत्काल राहत पाउने बताउनुभएको छ। यही अवधारणालाई व्यवहारमा उतार्दै…

हेटौँडा । विपद्को समयमा सहयोग गर्न ठूलै धनराशी वा ठूलो उमेर हुनुपर्दैन भन्ने राम्रो उदाहरण हेटौँडाका बालबालिकाहरूले प्रस्तुत गरेका छन्। हेटौँडा–६, चौघडास्थित वंशगोपाल माध्यमिक विद्यालयमा अध्ययनरत विद्यार्थीहरूले आफ्नै खाजा खर्च कटौती गरी संकलन गरेको रकम रसुवाका बाढीपीडित नागरिकहरूको राहतका लागि प्रदान गरेका छन्। विद्यालयको जुनियर रेडक्रस सर्कलको सक्रिय अगुवाइमा विद्यार्थीहरूले स्वस्फूर्त रूपमा १४ हजार ७८५ रुपैयाँ आर्थिक सहयोग संकलन गरेका हुन्। ​कक्षागत रूपमा विद्यार्थीहरूबाट संकलित उक्त रकम नेपाल बैंकमार्फत प्रधानमन्त्री दैवी प्रकोप उद्धार कोषमा जम्मा गरिएको विद्यालयका जुनियर रेडक्रस नायक प्रकाश पराजुलीले जानकारी दिनुभयो। आफ्नै दैनिक खाजा खर्चबाट बचाएर विपद्मा परेका दूरदराजका दाजुभाइ-दिदीबहिनीलाई सहयोग गर्ने बालबालिकाको यो निर्णयले विद्यालय परिसरमा…

हेटौँडा, १६ भदौ । रसुवाको भोटेकोशी नदीमा आएको विनाशकारी बाढीबाट पीडित बनेका नागरिकहरूको उद्धार, राहत तथा पुनर्स्थापनाका लागि हेटौँडाका टोल विकास संस्थाहरू एकीकृत रूपमा जुटेका छन्। टोल विकास संस्था नगर समन्वय समिति, हेटौँडाको आह्वानमा भाद्र १५ गतेदेखि सुरु गरिएको सहयोग अभियानको पहिलो दिनमै विभिन्न टोल विकास संस्थाहरू तथा वडा कार्यालयबाट कुल ६ लाख ४४ हजार २५६ रुपैयाँ संकलन गरी प्रधानमन्त्री दैवी प्रकोप उद्धार राहत कोषमा दाखिला गरिएको छ। ​समितिले अभियानमा प्राप्त रकमको पूर्ण पारदर्शिता र विश्वसनीयता कायम राख्न कुन संस्थाबाट कति रकम जम्मा भयो भन्ने विस्तृत विवरण समेत सार्वजनिक गरेको छ। जस अनुसार पहिलो दिन हेटौँडा–२ को विजयशान्ती टोल विकास…

हेटौँडा । उत्तरी रसुवामा आएको विनाशकारी बाढीका कारण ज्यान गुमाएका नागरिकहरूको आत्माको चिर शान्ति एवं बेपत्ता र घाइतेहरूको उद्धारका लागि मकवानपुरमा विशेष अध्यात्मिक प्रार्थना कार्यक्रम सम्पन्न भएको छ। हेटौँडामा अवस्थित शिच्छेन ङिङमा गुम्बाको आयोजनामा लामा गुरुहरूबाट बौद्ध परम्परा अनुसार विशेष पूजापाठ, मन्त्र पाठ तथा दीप प्रज्वलन (बत्ती बाल्ने) कार्य गरिएको हो। ​गुम्बामा आयोजित उक्त प्रार्थना सभामा बाढीमा परी अकालमा ज्यान गुमाएका मृतकहरूको दिवङ्गत आत्माको चिर शान्तिको कामना गरिनुका साथै घाइतेहरूको शीघ्र स्वास्थ्य लाभको प्रार्थना गरिएको थियो। साथै, अझैसम्म बेपत्ता रहेका नागरिकहरूको सकुशल तथा शीघ्र पत्ता लागोस् भन्ने कामना गर्दै लामा गुरुहरू र उपस्थित श्रद्धालुहरूले श्रद्धापूर्वक दीप प्रज्वलन गरेका थिए। ​कार्यक्रममा…

हेटौँडा । उत्तरी रसुवामा आएको विनाशकारी बाढीबाट प्रभावित नागरिकहरूका लागि मकवानपुरका युवाहरू राहत र सहयोग जुटाउन अग्रसर भएका छन्। यसै क्रममा हेटौँडा–२ मा रहेको 'द रिभाईभल युथ क्लब'ले बाढीपीडित परिवारका लागि अत्यावश्यक मानिने विभिन्न राहत सामग्रीहरू संकलन गरी आज हेटौँडा उपमहानगरपालिका वडा नम्बर २ को कार्यालयलाई बुझाएको छ। ​युवाहरूको टोलीले बाढी प्रभावित क्षेत्रमा तत्काल आवश्यक पर्ने लत्ताकपडा, जुत्ता, चप्पल तथा महिलाहरूका लागि अति संवेदनशील मानिने सेनिटरी प्याड लगायतका स्वास्थ्य सामग्रीहरू संकलन गरेको हो। आज आयोजित एक औपचारिक कार्यक्रमका बीच क्लबका प्रतिनिधिहरूले ती सम्पूर्ण राहत सामग्रीहरू हेटौँडा–२ का वडा अध्यक्ष विष्णुगोपाल महर्जनलाई प्रत्यक्ष रूपमा हस्तान्तरण गरेका छन्। ​सामग्री ग्रहण गर्दै वडा…

मनहरी (मकवानपुर) — रसुवाको भोटेकोशीमा आएको बाढीबाट प्रभावित भएकाहरूका लागि मकवानपुरको मनहरी गाउँपालिकाले १० लाख रुपैयाँ आर्थिक सहयोग गर्ने भएको छ। गत भदौ १० गते भोटेकोशीमा आएको बाढीले रसुवा, नुवाकोट र धादिङका विभिन्न स्थानमा क्षति पुर्‍याएपछि गाउँपालिकाले उद्धार तथा राहतका लागि उक्त रकम उपलब्ध गराउने निर्णय गरेको हो। ​आइतबार बसेको मनहरी गाउँपालिकाको स्थानीय विपद् व्यवस्थापन समितिको बैठकले पालिकाको कोषबाट १० लाख रुपैयाँ प्रधानमन्त्री विपद् सहायता कोषमा जम्मा गर्ने निर्णय गरेको छ। यसैगरी, बाढीपीडितको सहयोगार्थ गाउँपालिकाका अध्यक्ष रन्जन कालाखेतीले आफ्नो ३ महिनाको सेवा सुविधा र अन्य जनप्रतिनिधिहरूले १ महिनाको सेवा सुविधा बापतको रकम सोही कोषमा जम्मा गर्ने निर्णय भएको पालिकाले जनाएको…

हेटौँडा, १४ भदौ । विपत्तिमा परेका नागरिकहरूलाई सहयोग पुर्‍याउने उद्देश्यले आज हेटौँडाको बुद्धचोकमा एकद्वार प्रणालीमार्फत राहत संकलन कार्यक्रम सञ्चालन भइरहेको छ। 'सम्पूर्ण मकवानपुर परिवार' को आयोजनामा सुरु भएको उक्त कार्यक्रममा मकवानपुर क्षेत्र नम्बर १ का प्रतिनिधि सभा सदस्य प्रकाश गौतमको पनि उपस्थिति रहेको छ। ​कार्यक्रम स्थलबाट प्राप्त जानकारी अनुसार बाढी तथा विपद् प्रभावित क्षेत्रका नागरिकहरूका लागि आवश्यक पर्ने खाद्यान्न, लत्ताकपडा तथा आर्थिक सहयोग एकीकृत रूपमा संकलन गर्न लागिएको हो। राहत वितरणलाई व्यवस्थित र पारदर्शी बनाउन सबै सहयोग एकद्वार प्रणालीमार्फत मात्रै संकलन गरिने आयोजकले जनाएको छ। ​बुद्धचोकमा जारी यो राहत संकलन कार्यक्रम आज साँझ ५ बजेसम्म निरन्तर सञ्चालन हुनेछ। सहयोग गर्न…

हेटौँडा । उत्तरी रसुवाको विनाशकारी बाढीमा परी ज्यान गुमाएका हेटौँडा उपमहानगरपालिका वडा नम्बर १५ का बासिन्दा सुमन गोले र रमेश मगरको परिवारलाई स्थानीय सरकारको तर्फबाट तत्काल राहत सहयोग प्रदान गरिने भएको छ। काजकिरिया तथा अन्तिम संस्कारको खर्चमा राहत पुगोस् भन्ने उद्देश्यले वडा कार्यालयको तर्फबाट मृतकका परिवारलाई जनही रु. ५०/५० हजार रुपैयाँ उपलब्ध गराउन लागिएको हो। ​विपदको यो कठिन समयमा शोकसन्तप्त परिवारजनको पीडामा मल्हम लगाउन र उनीहरूलाई एक्लो महसुस हुन नदिन वडा कार्यालयले यो पहल लिएको हो। हेटौँडा–१५ का वडा अध्यक्ष सुनिल मोक्तानले बाढीका कारण अकालमा जीवन गुमाएका आफ्ना नागरिकका परिवारलाई वडाको तर्फबाट किरिया खर्च बापत उक्त ५०-५० हजार रुपैयाँ राहत…