Breaking News 1

काठमाडौँ । काठमाडौँका स्थापित सञ्चार गृहहरूलाई लक्षित गरी सोमबार बिहानैदेखि भएका शंकास्पद गतिविधिले नेपाली प्रेस जगत र सुरक्षा संयन्त्रलाई झस्काएको छ । कान्तिपुर पब्लिकेसन, अनलाइनखबर र हिमालय टेलिभिजन जस्ता प्रमुख मिडिया हाउसका प्रवेशद्वारमै बिहान ७ बजेदेखि निजी नम्बर प्लेटका बेवारिसे कारहरू पार्किङ गरिनु संयोग मात्र नभई सञ्चार क्षेत्रलाई मनोवैज्ञानिक त्रास देखाउने नियोजित प्रयास भएको आशंका गरिएको छ । अनामनगरस्थित भाटभटेनी नजिक समेत गरी चार फरक स्थानमा यसरी एकै समयमा गाडी छाडेर आवतजावत ठप्प पारिएपछि यसलाई पत्रकारिता क्षेत्रमाथि चौतर्फी दबाब सिर्जना गर्ने 'नयाँ शैलीको अवरोध' का रूपमा हेरिएको छ । ​ यो घटना सार्वजनिक भएसँगै नेपाल पत्रकार महासंघले तत्कालै कडा विज्ञप्ति…

सिंहदरबारभित्रका सरकारी कार्यालयहरूमा प्रशासनिक झन्झटसँगै भौतिक संरचनाका कारण सेवा पाउन सास्ती भोग्दै आएका अशक्त, ज्येष्ठ नागरिक र अपाङ्गता भएका व्यक्तिहरूका लागि अब सिंहदरबारको यात्रा सहज बन्ने भएको छ। सरकारले सिंहदरबारभित्रै ह्वीलचियर र प्रत्येक ह्वीलचियरका साथमा एक जना सहयोगी (सहजकर्ता) रहने विशेष सेवाको औपचारिक सुरुवात गरेको छ। मुख्यसचिव सुमनराज अर्यालले बुधबार प्रधानमन्त्री तथा मन्त्रिपरिषद्को कार्यालयबाट यस मानवीय र कानुनी दायित्व बोकेको सेवाको शुभारम्भ गर्नुभएको हो। ​यो कदमले सिंहदरबार पुग्ने सेवाग्राहीलाई मात्र नभई त्यहाँ कार्यरत अपाङ्गता भएका राष्ट्रसेवक कर्मचारीहरूलाई समेत ठूलो राहत दिनेछ। अब सिंहदरबार प्रवेश गरेपछि सम्बन्धित कार्यकक्ष वा शाखासम्म पुग्नका लागि कसैको सहारा खोज्नुपर्ने वा भर्‍याङ र गल्लीहरूमा अलमलिनुपर्ने बाध्यता…

काठमाडौं । बागमती र मनोहरा नदी किनारबाट हटाइएका सुकुमवासीलाई व्यवस्थापन गर्न सरकार आफैले तोकेको समयसीमा नसकिँदै खरिपाटीस्थित होल्डिङ सेन्टरमा तनाव सिर्जना भएको छ । अधिकार सम्पन्न वाग्मती सभ्यता एकीकृत विकास समितिले असार २४ गतेभित्र केन्द्र खाली गर्न निर्देशन दिएको भए पनि सो अवधि अगावै सोमबार बेलुकादेखि सरकारले खानाको व्यवस्था बन्द गरिदिएको छ । सरकारी आश्वासनका भरमा बसिरहेका सुकुमवासीहरूलाई सम्झौताको अन्तिम समयमा आएर खाना रोकेर बाध्यात्मक रूपमा निकाल्न खोजिएको भन्दै त्यहाँ आश्रितहरू आन्दोलित बनेका छन् । ​विगत दुई महिनादेखि नेपाल विद्युत प्राधिकरणको तालिम केन्द्रमा आश्रय लिइरहेका ९९ परिवारका २०७ जना सदस्यहरू अहिले अचानक परेको संकटका कारण आक्रोशित छन् । सोमबार बिहानसम्म…