खेलकुद

मकवानपुर। तेस्रो बागमती प्रदेश खेलकुद प्रतियोगिता–२०८३ को उपाधि काठमाडौंले जितेको छ । बागमती प्रदेश खेलकुद विकास परिषद्को आयोजनामा असार १ गतेदेखि सुरु भई असार ३ गते औपचारिक उद्घाटन गरिएको प्रतियोगितामा काठमाडौंले सर्वाधिक ५१ स्वर्ण, ३८ रजत र ४२ कास्य गरी कुल १३१ पदक जित्दै च्याम्पियन बनेको हो । प्रतियोगिताको अन्तिम दिन मंगलबार फुटबलका फाइनल खेल सम्पन्न भएसँगै गौरीटार फुटबल मैदानमा समापन तथा पुरस्कार वितरण समारोह गरिएको थियो । प्रतियोगितामा ललितपुरले पनि काठमाडौं बराबर कुल १३१ पदक जिते पनि स्वर्ण पदक कम हुँदा दोस्रो स्थानमा सीमित भयो । ललितपुरले ४६ स्वर्ण, ४१ रजत र ४४ कास्य पदक जितेको छ । चितवन ३०…

मकवानपुर। बागमती प्रदेश खेलकुद विकास परिषद्द्वारा २०८३ जेठ २२ देखि २६ गतेसम्म सञ्चालन गरिएको नव प्रतिभा पहिचान (ट्यालेन्ट हन्ट) कार्यक्रमअन्तर्गत आयोजित जुनियर खुल्ला ब्याडमिन्टन प्रतियोगिता–२०८३ मा रिलायन्स अंग्रेजी माध्यमिक विद्यालय, हेटौंडाका कक्षा ७ का विद्यार्थी आयुप कार्की पुरुष सिंगल्सतर्फ प्रथम स्थान हासिल गर्न सफल भएका छन्। विभिन्न विद्यालयबाट छनोट भएका प्रतिभावान खेलाडीबीच भएको प्रतिस्पर्धामा उत्कृष्ट प्रदर्शन गर्दै कार्कीले उपाधि जितेका हुन्। प्रथम स्थान प्राप्त गरेबापत उनलाई रु. २० हजार नगद पुरस्कार, ट्रफी तथा प्रमाणपत्र प्रदान गरिएको छ। अयुबको यस उल्लेखनीय सफलताले विद्यालय परिवार, शिक्षक, अभिभावक तथा सम्पूर्ण विद्यार्थीलाई गौरवान्वित बनाएको विद्यालयले जनाएको छ। उनको मेहनत, अनुशासन र खेलप्रतिको समर्पणले अन्य…

मकवानपुर। मकवानपुरको हेटौंडा उपमहानगरपालिका–१३, पदमपोखरीमा मेयर कप फुटबल प्रतियोगिता–२०८३ आयोजना हुने भएको छ। हेटौंडा उपमहानगरपालिकाको आयोजना तथा वडा नं. १३ को समन्वयमा असार ५ गतेदेखि १२ गतेसम्म पदमपोखरीस्थित खेलमैदानमा प्रतियोगिता सञ्चालन हुने भएको हो। प्रतियोगिताको आयोजना पदमपोखरी युथ क्लब ले गरेको हो भने नगर खेलकुद विकास समिति, ANFA मकवानपुर र हेटौंडा–१३ खेलकुद विकास समिति ले सहकार्य गरेका छन्। आइतबार आयोजित पत्रकार सम्मेलनमा वडा नं. १३ का अध्यक्ष पेम्बा लामाले प्रतियोगितामा १९ वटा टोलीको सहभागिता रहने जानकारी दिए। उनका अनुसार प्रतियोगिताले स्थानीय खेलाडीहरूको प्रतिभा उजागर गर्न तथा फुटबल खेलको विकासमा टेवा पुर्‍याउने अपेक्षा गरिएको छ। प्रतियोगिताको विजेता टोलीले २ लाख रुपैयाँ…

मकवानपुर। फुटबलको तल्लो तहदेखि विकास गर्दै दक्ष प्रशिक्षक उत्पादन गर्ने उद्देश्यसहित बागमती प्रदेशस्तरीय ‘कम्युनिटी कोचिङ कोर्स’ हेटौंडामा सुरु भएको छ। बागमती प्रदेश खेलकुद विकास परिषद्का सदस्य–सचिव दीपक लामा ले कोर्सको उद्घाटन गरेका हुन्। कोर्समा बागमती प्रदेशका १३ जिल्लाबाट ९१ जना प्रशिक्षार्थी सहभागी छन्। उद्घाटन कार्यक्रममा टिका लामा, सविन भट्टाचार्य तथा प्रशिक्षकहरू टेकनारायण श्रेष्ठ र चेतन घिमिरे लगायतको उपस्थिति रहेको थियो। कार्यक्रम संयोजक अमृत लुङ्बा का अनुसार सहभागीहरूलाई फुटबलका आधारभूत सिद्धान्त, खेल कौशल, प्रशिक्षण पद्धति तथा आधुनिक नियमबारे सैद्धान्तिक र व्यावहारिक प्रशिक्षण प्रदान गरिनेछ। हेटौंडा–६ स्थित गौरीटार रंगशाला मा सञ्चालन भइरहेको प्रशिक्षण जेठ २७ गतेसम्म चल्नेछ। तालिम सफलतापूर्वक पूरा गर्ने सहभागीहरूले…

मकवानपुर । हेटौंडा उपमहानगरपालिका वडा नं. १२ र १३ को आर्थिक सहयोग तथा हेटौंडा–१२/१३ खेलकुद विकास समितिको समन्वयमा आयोजित प्रथम साबिक पदमपोखरी गाविस स्तरीय खुल्ला स्नुकर प्रतियोगिता सफलतापूर्वक सम्पन्न भएको छ। जेठ १३ गतेदेखि सुरु भएको प्रतियोगिता जेठ १६ गते सम्पन्न भएको हो। प्रतियोगितामा साबिक पदमपोखरी गाविस क्षेत्र, हाल हेटौंडा–१२ र १३ मा बसोबास गर्ने खेलाडीहरूको उत्साहजनक सहभागिता रहेको आयोजकले जनाएको छ। प्रतियोगितामा विनय लामा प्रथम हुँदै नगद रु. ५० हजार सहित उपाधि जित्न सफल भए। उनले उच्च स्कोरतर्फ थप रु. १० हजार पुरस्कार समेत प्राप्त गरे। अनिश थोकर द्वितीय हुँदै रु. २५ हजार तथा रेसिङ प्लेयरतर्फ रु. १० हजार…

मकवानपुर। हेटौंडा उपमहानगरपालिका वडा नम्बर १२ र १३ को आर्थिक सहयोग तथा हेटौंडा १२–१३ खेलकुद विकास समितिको समन्वयमा प्रथम साबिक पदमपोखरी गाविस स्तरीय खुल्ला स्नुकर प्रतियोगिता आयोजना हुने भएको छ। प्रतियोगिता यही २०८३ जेठ १३ गतेदेखि १६ गतेसम्म सञ्चालन हुने आयोजकले जनाएको छ। प्रतियोगितामा साबिक पदमपोखरी गाविस हाल हेटौंडा–१२ र १३ मा बसोबास गर्ने खेलाडीहरूले सहभागिता जनाउन सक्नेछन्। प्रतियोगितामा सहभागी हुन इच्छुक खेलाडीहरूले आफ्नो परिचय खुल्ने कागजातसहित हेटौंडा–१२ पान्तलेस्थित ग्रेजल स्नुकर हाउसमा सम्पर्क गर्न आयोजकले अनुरोध गरेको छ। दर्ता शुल्क १५०० रुपैयाँ तोकिएको छ भने अन्तिम दर्ता मिति २०८३ जेठ १० गतेसम्म रहेको जनाइएको छ। प्रतियोगिताको आयोजना ग्रेजल स्नुकर हेटौंडा–१२…