Breaking News 1

मकवानपुर। नारा एजुकेशनल कन्सल्टेन्सीमा आज उत्साहपूर्ण वातावरणमा क्विज प्रतियोगिता तथा चपस्टिक प्रतियोगिता सम्पन्न भएको छ। कार्यक्रममा उत्कृष्ट प्रदर्शन गर्दै विजयी हुने सम्पूर्ण सहभागीलाई हार्दिक बधाई व्यक्त गरिएको छ। साथै कार्यक्रममा सक्रिय सहभागिता जनाउने सबै सहभागीप्रति कन्सल्टेन्सीले विशेष धन्यवाद तथा आभार व्यक्त गरेको छ। यसैबीच, आगामी April Intake 2027 लाई लक्षित गर्दै जापानमा अध्ययन गर्न इच्छुक विद्यार्थीहरूलाई नारा एजुकेशनल कन्सल्टेन्सीले सम्पर्कमा आउन अनुरोध गरेको छ। कन्सल्टेन्सीले उच्च भिसा सफलता दर, NAT/JLPT तयारी कक्षा, रोजगारी सहयोग, डकुमेन्टेसन सपोर्ट, होस्टेल तथा एयरपोर्ट पिकअप सुविधा सहित दीर्घकालीन मार्गदर्शन उपलब्ध गराउँदै आएको जनाएको छ। जापानका ओसाका, नागोया, ओकिनावा, सेन्दै, फुकुओका, कोबे, नारा, नागासाकी, क्योटो, हिरोशिमा लगायतका…

मकवानपुर। हेटौँडा उपमहानगरपालिका वडा नं. १३ मा हाईमास्ट लाइट जडान कार्य सुरु गरिएको छ। हेटौँडा उपमहानगरपालिकाको आर्थिक सहयोगमा सञ्चालन गरिएको उक्त योजनाको वडा नं. १३ का अध्यक्ष पेम्बा लामाले बत्ती बालेर औपचारिक शुभारम्भ गरेका हुन्। स्थानीय क्षेत्रमा उज्यालो व्यवस्थापनसँगै सुरक्षा तथा सौन्दर्य अभिवृद्धि हुने अपेक्षासहित जडान गरिएको हाईमास्ट लाइटप्रति स्थानीयवासीले खुसी व्यक्त गरेका छन्। वडाध्यक्ष लामाले विकास निर्माणका कामलाई निरन्तर अगाडि बढाउँदै नागरिकलाई सहज सेवा प्रदान गर्ने प्रतिबद्धता व्यक्त गरेका छन्।

मकवानपुर । राति अबेरसम्म डान्स बार तथा दोहोरी साँझ सञ्चालन गरेको आरोपमा मकवानपुर प्रहरीले ४ जनालाई नियन्त्रणमा लिएको छ। जिल्ला प्रहरी कार्यालय मकवानपुरका अनुसार शुक्रबार राति करिब १ बजेतिर नगर क्षेत्रका विभिन्न डान्स बार तथा दोहोरी साँझमा अनुगमन गरिएको थियो। सो क्रममा बन्द गर्न निर्देशन दिँदा अटेर गरेपछि उनीहरूलाई नियन्त्रणमा लिइएको प्रहरीले जनाएको छ। नियन्त्रणमा पर्नेहरूमा हेटौंडा–१० स्थित ब्लुमुन डान्स बारमा कार्यरत २० वर्षीय महेन्द्र गोले, हेटौंडा–४ स्थित लेवल अप डान्स बारमा कार्यरत २३ वर्षीय संयोग सुनार, हेटौंडा–१० स्थित आरआरएस दोहोरी साँझमा कार्यरत २५ वर्षीय सुजन घलान र सिरेटो थकाली रोधी गजल घरमा कार्यरत ३० वर्षीय इन्द्रबहादुर ओली रहेका छन्।…

मकवानपुर। लावती (राक्सिराङ्ग)-घर जलेर बिचल्लीमा परेको एक विपन्न चेपाङ्ग परिवारलाई श्रम संस्कृति पार्टी मकवानपुरले उदाहरणीय सहयोग गर्दै १ महिनामै नयाँ घर निर्माण गरेर हस्तान्तरण गरेको छ। राक्सिराङ्ग गाउँपालिका–३, लावतीकी निशा माया चेपाङ्गको घर गत चैत ४ गते आगलागीमा पूर्ण रूपमा नष्ट भएको थियो। करिब साढे ६ लाख बराबरको क्षति व्यहोरेको उक्त परिवारलाई पार्टीले तत्काल राहतसहित दीर्घकालीन सहयोग गरेको हो। शुक्रबार पार्टीका जिल्ला अध्यक्ष युनेश लामा सिङ्तानको नेतृत्वमा हेटौंडाबाट पुगेको टोलीले एक विशेष समारोहबीच निशा माया चेपाङ्ग, उनका श्रीमान् रमेश कार्की र छोरा जोशेप कार्कीलाई नयाँ घरको चाबी हस्तान्तरण गरेको हो। करिब १० धुर एलानी जग्गामध्ये साढे ३ धुर क्षेत्रफलमा एकतले २…

मकवानपुर। निर्माण क्षेत्रमा प्रयोग हुने डिजेल, पेट्रोल, ग्यास, सिमेन्ट, डण्डी र बिटुमिनलगायत सामग्रीको अत्यधिक मूल्यवृद्धिले निर्माण व्यवसायीहरू गम्भीर संकटमा परेका छन्। पछिल्लो समय मूल्य अस्वाभाविक रूपमा बढ्दै जाँदा निर्माण कार्य सञ्चालन गर्न नै कठिन बन्दै गएको व्यवसायीहरूको गुनासो छ। व्यवसायीहरूले केही सामग्रीमा कृत्रिम अभाव सिर्जना गरी कार्टेलिङ गरिएको आरोप समेत लगाएका छन्। यसले लागत झन् बढाएको उनीहरूको भनाइ छ। यस्तै, हाल प्रयोगमा रहेको मूल्य सूचकांक (Price Index) वास्तविक बजार मूल्यसँग मेल नखाँदा मूल्य समायोजन गर्न समस्या भएको उनीहरूले बताएका छन्। यसैबीच, निर्माण व्यवसायीहरूले सरकारसँग तत्काल “Construction Holiday” घोषणा गर्न, मूल्य समायोजनको स्पष्ट व्यवस्था लागू गर्न र निर्माण आयोजनाहरू सहज रूपमा…