Day: २०८३ आश्विन ३, शनिबार १३:५१

हेटौंडा / संविधान दिवसको राष्ट्रिय उत्सवलाई खेलकुदको माध्यमबाट मनाउँदै हेटौंडामा जुनियर खेलाडीहरूको प्रतिभा पहिचान र विकासका लागि नयाँ पहलमञ्च तयार पारिएको छ। हेटौंडा उपमहानगरपालिका–४ नम्बर वडा कार्यालयको आयोजनामा दोस्रो नगरस्तरीय जुनियर आमन्त्रण तेक्वान्दो प्रतियोगिता शनिबारदेखि रोयल पार्टी प्यालेसमा भव्य रूपमा सुरु भएको हो। मकवानपुर तेक्वान्दो डोजाङ, हेटौंडा–४ को व्यवस्थापन तथा मकवानपुर जिल्ला तेक्वान्दो संघको प्राविधिक सहयोगमा सञ्चालित यस प्रतियोगिताले स्थानीय स्तरमा रहेका उदीयमान खेलाडीहरूलाई आफ्नो क्षमता प्रदर्शन गर्ने उत्कृष्ट अवसर प्रदान गरेको छ। ​प्रतियोगितामा जिल्लाभित्रका १४ वटा तेक्वान्दो डोजाङहरूबाट करिब १६० जना जुनियर खेलाडीहरूले सहभागिता जनाएका छन्। सानै उमेरदेखि खेलकुदप्रति रुचि जगाउने, खेलाडीहरूलाई प्रोत्साहन गर्ने र राष्ट्रिय स्तरका खेलाडी उत्पादन…